Tuesday, March 2, 2010
ვინ...
აღარც მითი და აღარც ლეგენდა,მოკლეს ოცნება, რაც გვიხაროდა...ვინ გამოგვიყვანს ამ დილეგიდან,ვინ ამოგვათრევს, ნეტა, ხაროდან.მზერა გამცემი და ალმაცერი,ვინ ჩაგვისაფრა, როგორც ღალატი...სად მიგვლალავენ ქონდრისკაცები,ეშმას ტრაპეზი და მასკარადი...ვინ დააწვეთა სისხლი ღიმილზე,ვინ ჩაგვიწიხლა ყოფნა--ხალისი...იქნებ დასრულდა გზა და იღვიძებს,დღემდე მთვლემარე აპოკალიფსი.იქნებ მორჩა და იქნებ დამთავრდაყოფნა...გაიხსნას ცა უტყუარი,ვინ არის კაცი იგი მართალი,ვინ არის კაცი იგი მტყუანი,-ღმერთმა განსაჯოს...ვინ გაგვითენოსღამე ლუსკუმი და უსიერი...რას მოასწავებს ცოდვისმტვირთველო,ეშმას ასეთი მშვიდი იერი.აღარც მითი და აღარც ლეგენდა,მოკლეს ოცნება, რაც გვიხაროდა...ვინ გამოგვიყვანს ამ დილეგიდან,ვინ ამოგვათრევს, ნეტა, ხაროდან.
Subscribe to:
Post Comments (Atom)
Posts
No comments:
Post a Comment