ვინც მოვიდა, გაუმარჯოს!:)

Thursday, March 4, 2010

***

მივუყვები მე ჩემ გზაწვრილს,
ხან მათოვს და ხანაც მაწვიმს,
როგორც ზვავი, ჩამომიწვა
სულში სევდა სიბერის...
ნეკნებშუა გახირული,
გულია თუ ქვაყინული...
სინანულით იყურება,
ცისკენ ლიუციფერი.
ირგვლივ არც-რა გასახარი,
არც ძველი და არც ახალი,
გეკითხები: ეს სამყარო,
მართლა წუთისოფელი,-
განკითხვის ჟამს რა იმედით
ელოდება...რაიმეთი
გამოაღწევს ვითომ ლეთას
უფლის უარმყოფელი?
მივუყვები მე ჩემ გზაწვრილს,
ხან მათოვს და ხანაც მაწვიმს,
როგორც ზვავი, ჩამომიწვა
სულში სევდა სიბერის...
ნეკნებშუა გახირული,
გულია თუ ქვაყინული...
ხედავ?-ურცხვად იყურება,
ცისკენ ლიუციფერი.

No comments:

Post a Comment